‘మాకు నీతులు చెప్పకు’’.. సీఎంకు మంత్రి హరీష్ రావు స్ట్రాంగ్ కౌంటర్
దిశ, డైనమిక్ బ్యూరో: నిరుద్యోగ సమస్య తెలంగాణలో లేదని.. కాంగ్రెస్ పార్టీలోనే పదవుల నిరుద్యోగం ఉందని మంత్రి హరీష్ రావు ధ్వజమెత్తారు. కేసీఆర్ పాలనలో యువతకు ఉపాధి, ఉద్యోగాలు లేవని జడ్చర్ల సభలో హిమాచల్ ప్రదేశ్ సీఎం సుఖ్విందర్ చేసిన వ్యాఖ్యలపై శుక్రవారం మంత్రి కౌంటర్ ఇచ్చారు. శుక్రవారం నల్గొండ జిల్లా మిర్యాలగూడ ఆత్మీయ సమ్మేళనంలో పాల్గొని మాట్లాడుతూ.. ‘సుఖ్విందర్ సింగ్ ఇక్కడికి వచ్చి ఇష్టం వచ్చినట్లు మాట్లాడుతున్నారు. వాస్తవాలు తెలుసుకుని మాట్లాడాలి. హిమాచల్ ప్రదేశ్ నుంచి ఎంతో మంది ఇక్కడి వచ్చి బతుకున్నారు. నవ్వు మాకు నీతులు చెప్పొద్దు. ఇక్కడ నేర్చుకుని వెళ్లాలి’ అని కౌంటర్ ఇచ్చారు.
కాంగ్రెస్, బీజేపీలు ప్రజలకు అబద్ధాలు ప్రచారం చేస్తున్నాయని.. అభివృద్ధి అనే ఆయుధంతో మేం వారికి సమాధానం చెబుతామన్నారు. కాంగ్రెస్ పరిపాలన బాగోలేదనే ప్రజలు కేసీఆర్‌ను రెండు సార్లు సీఎం కుర్చీలో కూర్చోబెట్టారని రాష్ట్రంలో మూడోసారి ముమ్మాటికి బీఆర్ఎస్సే అధికారంలోకి వస్తుందన్నారు. కాంగ్రెస్ పార్టీకి 40 నుంచి 50 స్థానాల్లో అభ్యర్థులే లేరని ఎద్దేవా చేశారు.
Also Read...
